محمد حفیظ کو چوتھے نمبر پر کھلانے کا تجربہ درست ثابت ہوا: عابد حسین کی ” گگلی “ میں گفتگو

لاہور(مانیٹرنگ ڈیسک) چینل فائیو کے پروگرام ”گگلی “میں ورلڈ کپ 2019ءمیںپاکستان اور انگلینڈ کے درمیان اہم کرکٹ میچ پر جی ایم میڈیا ایل سی سی اے لاہور عابد حسین نے کہا ہے کہ پاکستان کے لیے میچز میں فخر الزمان اور امام الحق کا کمبینیشن بہترین ہے۔ دونو ں کھلاڑی اس سے پہلے پاکستان کے لیے پہلی وکٹ پر کھڑے ہوکر 313رنز کا ریکارڈ بنایا تھا جو عام بات نہیں۔ انگلینڈ کیخلاف میچ میں ان دونو ں کھلاڑیوں کی بہترین کارکردگی کی بنا پر پاکستان ٹیم 348 رنز کا ٹارگٹ دینے میں کامیاب ہوئی۔ بڑے ٹارگٹ کا انگلینڈ پر بڑا پریشر تھا۔ پروگرام میں گفتگو کرتے ہوئے اسپورٹس جرنلسٹ عبدالر?ف نے کہا ہے کہ فخر الزمان اور امام الحق واحد دو کھلاڑی ہیں جنہوں نے ورلڈ کپ کے تمام میچز کھیلنے ہیں اور اپنی بہترین کارکردگی دکھانا ہے کیونکہ پاکستان کے پاس اور کوئی اوپنر بیٹسمین نہیں۔ دونوں کھلاڑیوں پر بہت ذمہ داری ہے۔ اوپنرز ہی نیچے والی ٹیم کا حوصلہ بنتے ہیں۔ امام الحق کو اچانک ورلڈ کپ اسکواڈ کا حصہ نہیں بنایا گیا، چیف سلیکٹر انکے چچا جان ہیں۔ ان جیسے درجنوں پلیئرز پاکستان کے پاس پڑے ہیں۔ ورلڈ کپ میں امام الحق پر دبا? ہے اور انہیں ثابت کرنا ہے کہ وہ چچا کیوجہ سے نہیں اپنی کارکردگی پر سکواڈ کا حصہ بنے ہیں۔ پاکستان ٹیم کے کپتان سرفراز نے پچھلے میچ میں جو تجربہ کیا وہ ناکام رہا تاہم آج کے میچ میں محمد حفیظ کو چوتھے نمبر پر کھلا کر بہترین فیصلہ لیا۔ انہوں نے مڈل آرڈر میں بہترین کارکردگی کا مظاہرہ کیا۔