ضیا شاہد نے میڈیا انڈسٹری کے فروغ اور ترقی کیلئے گراں قدر خدمات انجام دیں، ڈیموں بارے بھی شعور اجاگر کیا:سلیم سیف اللہ خان

اسلام آباد(نامہ نگار خصوصی) سابق وفاقی وزیر اور پاکستان میں ترکی کے قونصل جنرل سینئر سیاستدان سلیم سیف اللہ خان نے کہا ہے کہ خبریں کے چیف ایڈیٹر ضیاشاہد نے پاکستان میں میڈیا انڈسٹری کے فروغ اور اسکی ترقی کیلئے گراں قدر خدمات انجام دیں ہیں اور کالا باغ ڈیم جیسے اہم قومی معاملات کے حوالے سے بھی عوام کا شعور اجاگر کرنے میں کلیدی کردار اداکیاہے، ضیا شاہد کی قوم کیلئے ان خدمات کو سنہری حروف میں لکھا جائیگا، اسلام آباد میں خبریں سے خصوصی گفتگو کرتے ہوئے سلیم سیف اللہ خان کا کہناتھا کہ وہ خبریں کے چیف ایڈیٹر ضیا شاہد کو 80ءکی دہائی سے جانتے ہیں اور ملک اور قوم کے لئے انکی بیش بہا خدمات کے معترف ہیں، ضیا شاہد نے پاکستان کی میڈیا انڈسٹری کے فروغ میں بھی اہم کردار ادا کیا ہے اور وہ پاکستان کی صحافت کا ایک درخشاں ستارہ ہیں اور گذشتہ 50سال سے زائد عرصے سے پاکستان کی صحافت میں اپنا کردار اداکررہے ہیں، انہوں نے کہا کہ ضیا شاہد کی پاکستان اور پاکستان کی صحافت کیلئے ان گنت خدمات کو کبھی فراموش نہیں کیا جاسکے گا۔