لاہور (وقائع نگار) گزشتہ روز روزنامہ خبریں اور چینل فائیو کے لاہوریوں کو مہنگے سحر و افطاربیچنے والے پوش علاقے کے ہوٹل اور ریسٹورنٹس کے حوالے سے خبر کی اشاعت کے بعد ڈی سی لاہور صالحہ سعید نے نوٹس لے لیا۔ ڈپٹی کمشنر لاہور نے اے سی ہیڈ کوارٹر، اے سی پروٹوکول اورپرائس کنٹرول مجسٹریٹس کو پوش علاقوں میں قائم مہنگے ریسٹورنٹس کے خلاف بھی بلاامتیاز کارروائی کا حکم دیتے ہوئے ہدایت کی کہ صوبائی دارلحکومت کے شہریوں کے حقوق کا تحفظ ہماری ذمہ داری ہے جسے کسی طور بھلایا نہیں جاسکتا ہے۔ اس موقع پر ڈی سی لاہور صالحہ سعیدنے کہا کہ تمام پرائس کنٹرول مجسٹریٹس گراں فروشوں کے ساتھ ساتھ ذخیرہ اندوز وں کے خلاف بھی سخت کارروائی کریںاور شہر سے گراں فروشی کی لعنت کا خاتمہ کیا جائے۔