لاہور ( صدف نعیم ) ضلعی انتظامیہ اور پریس کلب کے باہمی اشتراک سے پریس کلب آڈیٹوریم میں پولیو سے بچاﺅ کا آگاہی سیمینار منعقد کیا گیا جس میں مختلف شعبہ ہائے زندگی سے تعلق رکھنے والی معروف شخصیات نے شرکت کی اور پولیو سے بچاﺅکے حوالے سے آگاہی فراہم کی۔سمینار میں صوبائی وزیر صحت ڈاکٹر یاسمین راشد ایم این اے شائستہ پرویز ملک کمشنر لاہور ڈاکٹر مجتبی پراچہ،ڈپٹی کمشنر لاہور صالحہ سعید کرکٹر انضمام الحق کرکٹر مشتاق احمد سینئر صحافی سہیل وڑائچ صدر پریس کلب لاہور ارشد انصاری، معروف شوبز شخصیات جواد احمد، فلمسٹار ریشم سمیت دیگر نے شرکت کی اور پولیو سے آگاہی پیغام دیے۔جواد احمد نے اس موقع پر پولیو فری پاکستان کے حوالے سے گنگنا کر بھی پولیو کے آگاہی پیغام دیے۔ ڈپٹی کمشنر صالحہ سعید کا کہنا ہے کہ پولیو فری پاکستان بنانے کے لئے نہ صرف حکومت بلکہ عام عوام کو بھی اپنا بھرپور کردار ادا کرنے کی ضرورت ہے ۔
