ن لیگ اس وقت اپنی بقا کی جنگ لڑ رہی ہے

لاہور (مانیٹرنگ ڈیسک) کالم نگار اشرف عاصمی نے کہا ہے کہ گو کہ نواز شریف کی حکومت پنجاب میں بھی نہیں بن سکی وہ پیسے واپس کرنے کی طرف بھی نہیں آ رہے، شہباز شریف باہر چلے گئے ہیں لگتا ہے شہباز شریف کی پارٹی پر گرفت کمزور کی گئی ہے۔ چینل فائیو کے تجزیوں اور تبصروں پر مشتمل پروگرام ”کالم نگار“ میںگفتگو کرتے ہوئے انہوں نے کہا کہ نواز شریف کو جیل لے جاتے جو ہوا شاید اداروں کے خلاف ن لیگ اٹھنے کی کوشش کر رہی ہے ورکرز کو بھی فعال کرنے کی کوشش ہے۔ میرے خیال میں ن لیگ اپنی بقاءکی جنگ لڑ رہی ہے۔ عمران خان نے ہر اس بات کی نفی کی جس کی وہ کنٹینر پر باتیں کرتے تھے۔ آئی ایم ایف کیا پاکستان کا دوست ہو سکتا ہے جو ہم نے ان کا بندہ یہاں تعینات کر دیا کیا پی ٹی آئی کو ملک سے کوئی شخص نہ مل سکا۔ چینی لڑکوں کی جانب سے پاکستانی لڑکیوں سے شادی پھر چین لے کر جسم فروشی کرانا اور ان کے اعضاءفروخت کرنا بڑی خوفناک صورتحال ہے۔ اداروں کو فعال ہونا پڑے گا۔ کالم نگار بائیںکالم نگار ناصر اقبال نے کہا ن لیگ کی کمانڈ اس وقت مریم کے ہاتھ میں ہے حالانکہ مریم نواز کے انداز سیاست نے پارٹی کی ساکھ کو متاثر کیا۔ شہباز شریف اور نواز شریف میں بیانیے کا فرق ہے۔ اہم ترین موقع پر شہباز شریف ملک میں نہیں۔ جو ہو رہا ہے وہ ریاست میں ریاست بنانے کی کوشش ہے۔ میرے خیال میں آئی ایم ایف کی جو رضا ہوگی وہی آغا باقر کی رضا ہوگی عمران خان وہ تبدیلی نہیں لا سکے جس کی بات کرتے تھے۔ ایسا پاکستانی لے کر آئیں جس کا جینا مرنا پاکستان کے ساتھ ہو۔ چینی لڑکوں اور پاکستانی لڑکیوں کی شادی فطری نہیں آخر ادارے کہاں ہیں۔ غربت کے باعث لوگ اپنی بیٹیاں بیچ بھی رہے ہیں۔ کالم نگار راجہ وحید نے کہا کہ میری نظر میں نواز شریف اور شہباز شریف میں اختلاف نہیں سب مفادات کا کھیل ہے۔ قومی مفاد انہیں تب یاد آتا ہے جب ان کا مفاد خطرے میں ہوتا ہے۔ مسلم لیگ ن کا لاہور میں ووٹ بینک ہوگا لیکن مسلم لیگ ن کارکنان احتجاج کے لئے باہر نہیں نکال پاتی۔ رضما باقر کے آنے سے ملکی حالات بہتر ہوں گے میرے خیال سے زیادہ تنقید نہیں کرنی چاہئے۔ میرے خیال میں ہمارے ادارے کمزور ہیں خاص طور پر جو ادارے احتساب کرتے ہیں۔ کالم نگار عبدالباسط نے کہا کہ تحریک انصاف پر کافی تنقید ہو رہی ہے مہنگائی کا جن بھی قابو نہیں آ رہا۔ لاہور مسلم لیگ ن کا گڑھ ہے۔ مسلم لیگ ن تین دہائیوں تک برسر اقتدار رہی جن لوگوں کو انہوں نے نوازا وہ اب بھی ان کے ساتھ ہیں ن لیگ اتنی آسانی سے ہٹنے والی نہیں۔ آغا باقر کو گورنر سٹیٹ بینک بنانے پر اپوزیشن تنقید کر رہی ہے۔