موجودہ حکومت کے دور میں قرضے بہت بڑھ گئے، شاہد حسن صدیقی طارق باجوہ کو 8ماہ قبل تبدیل کردینا چاہیے تھا ہم نے ہمیشہ اچھے مشورے دیئے، کامل علی آغا نیا بلدیاتی نظام بہتر میئرز ڈپٹی میئرز کو اختیارات دیئے گئے، کنور دلشاد نیوز ایٹ 7

لاہور(مانیٹرنگ ڈیسک) ماہر معیشت شاہد حسن صدیقی نے کہا ہے کہ امریکہ بڑے رصے سے پاکستان کو آئی ایم ایف کے چنگل میں پھنسانے کی کوشش میں ہے۔آئی ایم ایف سٹیٹ بینک کو اختیار دینے کی بات کر رہا ہے ۔گورنر سٹیٹ بینک کو نکالا نہیں جا سکتا لیکن گورنر سٹیٹ بینک نے اخلاقی جرات کا مظاہرہ نہیں کیا۔موجودہ حکومت کے دور میں قرضہ بہت بڑھا ہے۔چینل فائیو کے پروگرام نیوز ایٹ 7میں گفتگو کرتے ہوئے انہوں نے کہا کہ عمران خان وعدے پورے نہیں کر رہے۔باہر سے پیسہ ایسے نہیں واپس آتا خواب دیکھنا بند کریں۔آئندہ آنے والا بجٹ آئی ایم ایف کا بجٹ ہو گا۔وفاقی کابینہ ہی عوام سے کئے وعدے پورے کرنے کو تیار نہیں۔ مسلم لیگ ق کے رہنماءکامل علی آغا نے کہا کہ ہم نے ہمیشہ طارق باوجوہ کو تبدیل کرنے کا مشورہ دیا۔اسحاق ڈار نے طارق باوجوہ کو ا س لئے گورنر سٹیٹ بینک لگایا کیونکہ کہ ڈالر کو مصنوعی طور پر نیچے رکھتا طارق باوجوہ کو آٹھ ماہ قبل بدل دینا چاہئے تھا۔اس وقت پٹرول کی قیمت بڑھانا حکومتی غلطی ہے البتہ پالیسیاں بتا رہی ہیں بہتری آئے گی۔ہاﺅسنگ سکیموں سے 40شعبوں میں بہتری آئے گی۔سابق سیکرٹری الیکشن کمیشن کنور دلشاد نے کہا ہے کہ نئے بلدیاتی ایکٹ میں کئی خوبیاں ہیں اس کی معیاد چار سال مقرر کرنا بڑی خوبی ہے۔پرویز مشرف کا لوکل گورنمنٹ سسٹم بھی بہتر تھا۔ موجودہ حالات میں یہ سسٹم بہتر ہے تمام اختیارات میئرز اور ڈپٹی میئرز کو تفویض کر دیے گئے ۔اختیارات نچلی سطح پر لے جانا ترقی کے لئے ضروری بھی ہوتا ہے۔باقی صوبوں کو بھی یہی سسٹم اپنا چاہئے۔ پنجاب میں پنچائیت سسٹم کامیاب نہیں ہو گا۔عمران خان کی نیت پر شبہ نہیں لیکن ان کی ٹیم سنجیدہ نہیں۔عمران خان کو چاہئے بجٹ سے قبل اپنی ٹیم تبدیل کریں ورنہ تحریک اٹھنا بعید ازامکان نہیں۔