حکومت نے 9 روپے 31 پیسے پٹرول کی قیمت میں اضافہ کرکے قوم کو رمضان کی سلامی دی ہے،چیئرمین برابری پارٹی پاکستان جواد احمد

لاہور ( صدف نعیم سے )چیئرمین برابری پارٹی پاکستان جواد احمد نے کہا ہے کہ پی ٹی آئی کی حکومت نے ٹھیکے پر ملک آئی ایم ایف کو دے دیا ہے،ادویات،بجلی،پھل،سبزیوں کی قیمتوں کے بعد پٹرولیم مصنوعات میں ریکارڈ اضافہ کرکے بجٹ سے پہلے ہی تباہی مچادی گئی ہے،برابری پارٹی پاکستان حکومت کے اس عمل پر احتجاج کرتی ہے اور پٹرولیم مصنوعات کی قیمتوں میں اضافے کو عوام کے ساتھ ظلم قرار دیتی ہے ان باتوں کا اظہار انھوں نے پارٹی کے مرکزی دفتر میں ورکرز سے ملاقات میں کیا اس موقع پر ا نکا مزید کہنا تھا کہ تحریک انصاف مہنگائی تو ختم نہ کر سکی غریبوں کو ختم کرنے لگی ہے اس حکومت نے غریب کے چولہے بجھا دیئے ہیں اور مہنگائی کے سونامی نے عام آدمی کی زندگی اجیرن کر دی ہے، عمران خان تو محل میں رہتے ہیں اور ان کی اے ٹی ایمز خرچے چلاتی ہیں لیکن غریب نے تو محنت کر کے بچوں کی روٹی کا بندوبست کرنا ہے عمران خان غربت نہیں غریب ختم کر رہے ہیں، تحریک انصاف نے 9ماہ میں مہنگائی کا طوفان لے آئی ہے۔حکومت نے 9 روپے 31 پیسے پٹرول کی قیمت میں اضافہ کرکے قوم کو رمضان کی سلامی دی ہے،ملک کے غریب لوگ ایک روٹی کے محتاج تھے،اب شاید روزہ بھی نہ کھول سکیں۔