ظلم پھر ظلم ہے، بڑھتا ہے تو مٹ جاتا ہے۔ عظمی بخاری

لاہور(صدف نعیم سے)انفارمیشن سیکرٹری مسلم لیگ ن پنجاب عظمی بخاری نے کہاہے کہ کل تمام راستے کوٹ لکھپت کی طرف رواں دواں ہوں گے۔ کچھ فیصلے عدالتیں کرتی ہیں، اور عدالتوں کے کچھ فیصلوں پر تاریخ فیصلہ کرتی ہے۔ نواز شریف آج بھی ملکی سیاست کا محور ہیں، پاکستان کی سیاست انکے گرد گھومتی ہے۔ عدلیہ کو قید اور آئین کو توڑنے والے ڈکٹیٹر کو باہر جانے کی اجازت مل جاتی ہے۔ ملک کو ترقی دینے والے تین دفعہ کے وزیر اعظم کو علاج کی اجازت نہیں ملتی۔ کل کوٹ لکھپت کے باہر اپنے قائد کو شایان شان کے ساتھ اس جیل میں بھیجیں گے جس کے وہ حقدار نہیں۔ جیلیں اس طرح کے سیاسی رہنماﺅں کو ہمیشہ کے لئے تاریخ میں امر کر دیتی ہیں۔