لاہور(صدف نعیم) وزیر اطلاعات و ثقافت پنجاب سید صمصام علی بخاری نے وزیراعلی پنجاب سردار عثمان بزدار کے والد سردار فتح محمد بزدار کی وفات پر گہرے رنج و غم کا اظہار کیا ہے۔ اپنے تعزیتی پیغام میں صوبائی وزیر اطلاعات نے کہا کہ مرحوم ہمہ جہت خوبیوں کے مالک اور علاقے کی معروف سیاسی و سماجی شخصیت تھے۔ تین بار رکن اسمبلی منتخب ہونا ان کی عوام میں مقبولیت اور ہردلعزیز ہونے کا واضح اظہار تھا۔ صوبائی وزیر نے دعا کی کہ اللہ تعالی مرحوم کے درجات بلند کرے اور ان کے خاندان کے افراد کو یہ صدمہ ہمت اور حوصلے سے برداشت کرنے کی توفیق دے۔ انہوں نے کہا کہ دکھ اور تکلیف کی اس گھڑی میں ان کی دعائیں اور ہمدردیاں وزیراعلی پنجاب اور ان کے اہل خانہ کے ساتھ ہیں۔
