پیر نے جن نکالتے ہوئے 10سالہ بچی کو آگ لگا دی

فورٹ عباس(تحصیل رپورٹر )فورٹ عباس کے نواحی قصبہ شہباز والا کے گاو¿ں 228/9R میں پیر نے ن نکالتے ہوئے 10 سالہ بچی آمنہ بی بی دختر افتخار احمد کو آگ لگا دی.تفصیلات کے مطابق بہاولنگر کی تحصیل فورٹ عباس کے نواحی گاوں 228/9Rمیں جعلی پیر نے دہکتے ہوئے کولوں پر گوگل ڈال کر جنوں کو بھگانے کے لئے بچی کو کولھوںکے اوپر کیا گیا جس سے اس کے سینے کے کپڑوں کو آگ لگ گئی جس نے آناََفاناََ بچی کو اپنی لپیٹ میں لے لیا۔ پیر ثقلین احمد شاہ 212 نائن آر کا رہائشی ہے. پیر کی اس حرکت پر علاقہ بھر میں تشویش اور غم وغصہ، متاثرہ 10 سالہ بچی آمنہ بی بی دختر افتخار احمد کو تشویشناک حالت میں بہاولپور وکٹوریہ ہسپتال ریفر کر دیا گیا ، ریسکیو1122 کی ایمبولینس تشویشناک حالت میں بہاولپور وکٹوریہ ہسپتال لےکر روانہ ا ور جعلی پیر ثقلین احمد شاہ رہائشی 212/9R کی گرفتاری کے لیے پولیس مختلف جگہوں پر چھاپے مار رہی ہے۔اگر ورثہ نے مقدمہ درج نہ کروایا تو پولیس اپنی مدعیت میں پرچہ درج کرے گی۔