آسٹریلیا میں شدید بارشیں مگرمچھ اور سانپ رہائشی علاقہ میں آ گئے

کینبرا (این این آئی)آسٹریلوی ریاست کوئنز لینڈ میں ایک ہفتے سے جاری بارشیں وبال جان بن گئیں، سیلابی ریلے کے ساتھ بہہ کر مگرمچھ اور سانپ بھی رہائشی علاقے میں داخل ہوگئے۔ متاثرہ شہر ٹاونز ویل کو آفت زدہ قرار دےدیا گیا ہے، متاثرہ علاقوں میں فوج طلب کرلی گئی۔ ادھر آسٹریلوی حکام نے بارشوں کا یہ سلسلہ جاری رہنے کا امکان ظاہر کیا ہے۔ غیرملکی خبررساں ادارے کے مطابق کوئنز ویل کے شہر ٹاﺅنز ویل میں بارشوں کے باعث بدترین صورت حال کا سامنا ہے،کئی علاقے زیر آب آنے سے 20 ہزار مکانات خالی کرالیے گئے۔ ٹاونزویل میں بارش اور سیلابی صورت حال کی وجہ سے سکول اور دفاتر بھی بند کردیئے گئے ، زیر آب علاقوں میں لوگ گھروں کی چھتوں پر پناہ لیے ہوئے ہیں۔ٹاونز ویل میں شدیدبارشوں کے بعد ڈیم کے دروازے بھی کھول دیئے گئے ، سیلابی ریلے کے ساتھ رہائشی علاقے میں مگرمچھ اور سانپ بھی داخل ہو گئے ہیں جو لوگوں کی جانوں کے لیے خطرہ بنے ہوئے ہیں۔کئی علاقوں میں سانپ اور مگر مچھ دیکھنے میں آئے، ادھر آسٹریلوی حکام نے بارشوں کا یہ سلسلہ جاری رہنے کا امکان ظاہر کیا ہے۔