کراچی (شوبز ڈیسک )تیرہ سال بعد، پاکستان کا باغی بینڈ جنون”پھر ایک ہوگیا“اور اس نے اپنے ری یونین کنسرٹ کے ذریعے مداحوں میں جنون پیدا کر دیا۔گلوکار علی عظمت، گٹارسٹ سلمان احمد اور برائن پر مشتمل بینڈ جنون کی 13 برس بعدکراچی کی معین خان اکیڈمی میں ری یونین کانسرٹ کے ذریعے واپسی ہوئی۔ری یونین کنسرٹ میں ہزاروں مداحوں کی موجودگی میں جنون بینڈ نے شاندار پرفارمنس کا مظاہرہ کیا۔جنون نے سوادوگھنٹے جاری کنسرٹ میں شاندار پرفارمنس دی اور اپنے یادگار20گیت گاکرمداحوں کو جھومنے پر مجبور کردیا ۔ کانسرٹ میں شریک لوگوں کا کہنا تھا کہ جنون نے نے ان ذہنوں میں ماضی کی یادیں تازہ کر دیں۔