ممبئی (شوبزڈیسک ) بالی وڈ اداکارہ دیپکا پڈکون نے اپنی بیماری کے حوالے سے مداحوں کے نام ایک خط لکھا ہے ۔بھارتی ذرائع ابلاغ کےاداکارہ نے خط میں لکھا ہے کہ ڈپریشن میں مبتلا افراد خود کو اکیلا محسوس نہ کریں ان کیلئے مدد موجود ہے۔جیسا کہ آپ میں سے بہت سے افراد واقف ہونگے کہ 2014 ءمیں مجھے کلینکل ڈپریشن کا مرض تشخیص ہوا تھا تاہم خوش قسمتی سے بروقت مدد اور آس پاس خیال رکھنے والوں کی وجہ سے مجھے بحالی کی راہ تک جانے کی طاقت ملی۔دیپکا نے بتایا میری طرح لاکھوں افراد ایسے ہیں جو خاموشی سے اس مرض کو برداشت کررہے ہیں۔اداکارہ نے کہا بیماری کے بعد میں نے جون 2015ءمیں ایک فاﺅنڈیشن کی بنیاد رکھی اس کا مقصد تناﺅ، ڈپریشن اور بے چینی کے بارے میں آگاہی فراہم کرنا اور اس ذہنی مرض سے وابستہ تاثر کو واضح کرنا ہے۔
