فلم ”گڈ مارننگ پاکستان“امریکی شہر کے سنیماﺅں میں سج گئی

لاہور(شوبزڈیسک) چکوال میں فلمائی گئی فلم ”گڈ مارننگ پاکستان“امریکی شہر سان فرانسسکو کے سنیما گھروںکی زینت بن گئی۔مذکورہ فلم نے امریکہ میںمقیم پاکستانیوںکواپنے سحرمیں مبتلا کردیا جس کے ہدایتکار ڈاکٹرحسن زی ہیں۔”گڈ مارننگ پاکستان“ خواتین کے حقوق پر مبنی ہے۔ ڈاکٹر حسن زی کا کہنا تھا کہ فلم کی کہانی ان کی اپنی زندگی میں ان کے اردگرد موجود کرداروں سے متاثر ہو کر لکھی گئی ہے۔فلم کی کہانی عمر نامی ایسے نوجوان کے گرد گھومتی ہے جو امریکا میں پیدا ہوا اور وہیں پرورش پائی۔ وہ اپنی ذات کی کھوج میں پاکستان کا سفر کرتا ہے۔ فلم میںمرکزی کردار علی رضا اورمیراب خان نے ادا کیے ہیں ۔ دیگر کاسٹ میںنغمہ بیگم ، شبیر مرزا‘اعجاالحسن‘ سمیرا‘ شجاع ہمایوں‘رضوانہ خان‘غیاث مستانہ‘اسلم مغل اور شوکت علی شامل ہیں۔یادرہے کہ ”گڈ مارننگ پاکستان“ یوریشیا فلم فیسٹیول میں بہترین فلم کا ایوارڈ بھی جیت چکی ہے۔