لاہور(ویب ڈیسک) وفاقی وزیر اطلاعات فواد چوہدری کا کہنا ہے کہ سب کی نظریں کل کے فیصلے پر ہیں، کیس بڑا سیدھا ہے کہ سعودی عرب اور دبئی میں نواز شریف اور بچوں کی جائیدادیں ہیں اور سوال یہ ہے کہ جائیدادوں کے لیے پیسا کہاں سےآیا جس کا جواب دینے سے یہ قاصر ہیں۔ لاہور میں میڈیا سے گفتگو کرتے ہوئے فواد چوہدری نے کہا کہ جس عمر میں بچوں کے شناختی کارڈ نہیں بنتے، ان کے بچے ارب پتی بن گئے، ٹیلنٹڈ ماں باپ نے بچوں کے اکاو¿نٹس میں پیسے بھرے، یہ بلیک میلر کا گروپ ہے۔وفاقی وزیر اطلاعات نے کہا کہ کیا اصول ہےکہ بڑے بھائی کے اکاو¿نٹ کا آڈٹ چھوٹا بھائی کرے گا، سینیٹ اور قومی اسمبلی میں صرف ان کے کیسز کی بات ہوتی ہے، یہ نہ مہنگائی کے اوپر بات کرتے ہیں اور نہ کسی اور مسئلے پر۔انہوں نے کہا کہ آصف زرداری اور نواز شریف کی سیاست ختم ہو چکی ہے، پیپلز پارٹی اور مسلم لیگ (ن) آپس میں اتحاد ضرور کریں، سارے اکٹھے ہو کر ٹھگز آف پاکستان اتحاد بنالیں۔وفاقی وزیر نے پیپلز پارٹی اور ن لیگ کو ٹھگز آف پاکستان کے نام سے اتحاد بنانے کا مشورہ دیتے ہوئے کہا کہ جس طرح حال ہی میں بھارت میں ٹھگز آف ہندوستان فلاپ ہوئی ہے، ٹھگز آف پاکستان اس سے بھی زیادہ بری طرح فیل ہو گی۔فواد چوہدری نے کہا کہ زرداری صاحب بھی کہتے ہیں کہ وہ معصوم ہیں انہوں نے کچھ نہیں کیا، تو پچھلے 15 سال میں جو لوٹ مار کی گئی تو کیا جن بھوت کی حکومت تھی، اگر زرداری، نواز اور شہباز معصوم ہیں تو بدمعاش کون ہے۔فواد چوہدری کا کہنا تھا کہ زرداری صاحب کہتے ہیں کہ میرے لیے باہر نکلیں، یہ اپنی جائیداد بنانے کے لیے عوام کو باہر نکلنے کا کہہ رہے ہیں، پوری قوم کی نظریں سپریم کورٹ پر لگی ہوئی ہیں۔وفاقی وزیر اطلاعات نے کہا کہ ملکی نظام انصاف پر بہت بڑا سوالیہ نشان ہے، اس ملک میں زرداری صاحب بھی معصوم ہیں، پاکستان میں مسئلہ قانون سازی نہیں اس پر عملدرآمد ہے، نیب صحیح کام کر رہا ہے لیکن مزید بہتری کی گنجائش ہے۔فواد چوہدری نے کہا کہ اللہ تعالی کی مہربانی ہے کہ عمران خان جیسے کچھ لوگ عوام کا سوچتے ہیں، نظام بدل رہا ہے، آپ دیکھیں گے پاکستان میں بہت بہتری آئے گی، معاشی حوالے سے ہفتے دو ہفتے میں مزید خوشخبریاں ملیں گی، سیاحت کے لیے پاکستان کی ویزا پالیسی میں نرمی لانا چاہ رہے ہیں اور سیاست کا پرانا نظام بدل رہے ہیں۔
بریکنگ نیوز
- دنیا کا سب سے بڑا اسنیک اسٹور
- کوکین کے استعمال پر نیوزی لینڈ کے سابق فاسٹ بولر بڑی مشکل میں پھنس گئے
- عامر سہیل نے کراچی میں ‘پان کی پچکاری’ کے بیان پر معافی مانگ لی
- پی ایس ایل فائنل کیلئے فینز کو اسٹیڈیم آنے کی اجازت مل گئی
- پی ایس ایل شائقین کیلیے خوشخبری، وزیر اعظم نے بڑا اعلان کردیا
- ٹیسٹ کرکٹر ظفر گوہر پاکستان چھوڑ کر کیوں گئے، وجہ خود بتادی
- نائیجیریا کے سابق انٹرنیشنل فٹبالر دوستانہ میچ کے دوران انتقال کرگئے
- حکومت نے پیٹرول، ڈیزل کی قیمت میں بڑے اضافے کے بعد ایک پیٹرولیم پروڈکٹ کی قیمت میں کمی کردی
- پیٹرولیم مصنوعات مزید مہنگی:گڈز ٹرانسپورٹرز نے کرایوں میں اضافہ کردیا
- لاہور سمیت پنجاب میں شدید گرمی ؛ درجہ حرارت 41 ڈگری تک جانے کا امکان
- پاکستانی سفارتی کامیابیوں کی پوری دنیا معترف، عالمی سطح پر وقار مزید بلند
- خیبرپختونخوا کا ای رجسٹری سسٹم نافذ کرنے کا اعلان
- لاہور: اچھرہ میں تین بچوں کے قتل کا کیس سی سی ڈی کے حوالے
- زمین کے تنازع پر دو گروپوں میں خونی تصادم، باپ بیٹے سمیت 5 افراد قتل
- میٹا کا ہزاروں افراد کو نوکریوں سے نکالنے کا منصوبہ
- چینی اے آئی کمپنی ڈیپ سیک کا نیا ماڈل متعارف، خصوصیات کیا ہیں؟
- دنیا بھر میں مصنوعی ذہانت کے ڈیٹا کی مبینہ چوری پر چینی اے آئی کمپنیوں کے خلاف مہم شروع
- سام سنگ کے 40 ہزار ملازمین نے معاوضہ نہ بڑھانے پر ہڑتال کی دھمکی دے دی
- ٹک ٹاک کا نیا اے آئی فیچر، ویڈیوز کا انداز ہی بدل جائے گا
- یوٹیوبر مسٹر بیسٹ پر خاتون کے سنگین الزامات

