اپنی آخری سانس تک گلوکاری کرتی رہوں گی: لتا منگیشکر

ممبئی (ویب ڈیسک) بالی وڈ لیجنڈ گلوکارہ لتا منگیشکر نے کہا ہے کہ وہ ابھی ریٹائر نہیں ہو رہیں بلکہ وہ اپنی آخری سانس تک گلوکاری کرتی رہیں گی۔بھارتی ذرائع ابلاغ کے مطابق گلوکارہ لتا منگیشکر نے گزشتہ ہفتے سوشل میڈیا پر اپنا گایا گیا گانا ”اتا وساویاچا کشن“ پوسٹ کیا جس کے بعد ان کے ریٹائر ہونے کے حوالے سے خبریں گردش کرنے لگیں جن کی وضاحت کرتے ہوئے ان کا کہنا تھا وہ ابھی ریٹائر نہیں ہو رہیں بلکہ وہ اپنی آخری سانس تک گلوکاری کرتی رہیں گی اور یہ گانا انہوں نے 2013 میں کمپوزر سلیل کلکرنی کیلئے گایا تھا۔لتا منگیشکر طویل عرصے سے گلوکاری کے میدان میں اپنا لوہا منوائے ہوئے ہیں اور ان کے گانے خوب پسند کئے جاتے ہیں، پاکستانی لیجنڈ گلوکار مرحوم مہدی حسن کے بارے میں لتا نے کہا تھا کہ ان کے گلے میں بھگوان بولتا ہے۔