کراچی (ویب ڈیسک )سپریم کورٹ نے کراچی میں 6 منزل سے زائد عمارت کی تعمیرات پر پابندی سے متعلق فیصلہ واپس لیتے ہوئے قوانین کے مطابق کثیر المنزلہ عمارت بنانے کی اجازت دے دی۔سپریم کورٹ کراچی رجسٹری میں چیف جسٹس میاں ثاقب نثار کی سربراہی میں 3 رکنی بینچ نے کراچی میں 6 منزل سے زائد عمارتوں کی تعمیر پر عائد پابندی کے فیصلے کے خلاف دائر درخواست پر سماعت کی۔دوران سماعت سپریم کورٹ نے 6 منزل سے زائد عمارت کی تعمیرات پر پابندی سے متعلق فیصلہ واپس لے لیا اور قانون کے مطابق تعمیرات جاری رکھنے کا حکم دے دیا۔خیال رہے کہ سپریم کورٹ نے 6 ماہ قبل 6 سے زائد منزلہ عمارت کی تعمیرات پر پابندی عائد کی تھی جسے ایسوسی ایشن آف بلڈرز اینڈ ڈیولپرز آف پاکستان (آباد) نے چیلنج کر رکھا تھا۔سپریم کورٹ کے فیصلے کے بعد چیئرمین آباد حسن بخشی نے عدالت کے باہر میڈیا سے بات چیت کرتے ہوئے کہا کہ سپریم کورٹ نے کثیرالمنزلہ عمارتوں پر عائد 2 سال سے لگی پابندی ختم کردی ہے۔انہوں نے کہا کہ 2 سال میں ہم نے کئی مشکلات برداشت کیں، انڈسٹری میں موجود تمام لوگوں نے ہمارا ساتھ دیا۔ان کا کہنا تھا کہ قانون کے مطابق بلڈنگ بنانے کی ہدایت کی گئی ہے اور قانون کے مطابق نقشہ پاس کرنے کا کہا گیا ہے۔چیئرمین آباد کا کہنا تھا کہ شہر میں اچھی بلڈنگ بنے گی تو دنیا میں اچھا پیغام جائے گا۔انہوں نے شکایت کی کہ ہمارے 500 منصوبے اپروول کے لیے روکے ہوئے تھے اور انہوں نے مطالبہ کیا کہ سندھ بلڈنگ کنٹرول اتھارٹی (ایس بی سی اے)، واٹر بورڈ اور دیگر ادارے بھی اب ہمارے ساتھ تعاون کریں۔ان کا کہنا تھا کہ ہر جگہ پر الگ الگ فلور کا قانون ہے، کسی جگہ 2 فلور کسی جگہ 5، کسی جگہ 15 منزلوں تک کا قانون ہے، یہ سب قانون کے مطابق تعمیر کی جائیں گی۔چیئرمین آباد نے کہا کہ وزیر اعظم عمران خان نے جو 50 لاکھ گھر دینے کا اعلان کیا ہے اس میں ہمارا تعاون ان کے ساتھ ہے۔
بریکنگ نیوز
- دنیا کا سب سے بڑا اسنیک اسٹور
- کوکین کے استعمال پر نیوزی لینڈ کے سابق فاسٹ بولر بڑی مشکل میں پھنس گئے
- عامر سہیل نے کراچی میں ‘پان کی پچکاری’ کے بیان پر معافی مانگ لی
- پی ایس ایل فائنل کیلئے فینز کو اسٹیڈیم آنے کی اجازت مل گئی
- پی ایس ایل شائقین کیلیے خوشخبری، وزیر اعظم نے بڑا اعلان کردیا
- ٹیسٹ کرکٹر ظفر گوہر پاکستان چھوڑ کر کیوں گئے، وجہ خود بتادی
- نائیجیریا کے سابق انٹرنیشنل فٹبالر دوستانہ میچ کے دوران انتقال کرگئے
- حکومت نے پیٹرول، ڈیزل کی قیمت میں بڑے اضافے کے بعد ایک پیٹرولیم پروڈکٹ کی قیمت میں کمی کردی
- پیٹرولیم مصنوعات مزید مہنگی:گڈز ٹرانسپورٹرز نے کرایوں میں اضافہ کردیا
- لاہور سمیت پنجاب میں شدید گرمی ؛ درجہ حرارت 41 ڈگری تک جانے کا امکان
- پاکستانی سفارتی کامیابیوں کی پوری دنیا معترف، عالمی سطح پر وقار مزید بلند
- خیبرپختونخوا کا ای رجسٹری سسٹم نافذ کرنے کا اعلان
- لاہور: اچھرہ میں تین بچوں کے قتل کا کیس سی سی ڈی کے حوالے
- زمین کے تنازع پر دو گروپوں میں خونی تصادم، باپ بیٹے سمیت 5 افراد قتل
- میٹا کا ہزاروں افراد کو نوکریوں سے نکالنے کا منصوبہ
- چینی اے آئی کمپنی ڈیپ سیک کا نیا ماڈل متعارف، خصوصیات کیا ہیں؟
- دنیا بھر میں مصنوعی ذہانت کے ڈیٹا کی مبینہ چوری پر چینی اے آئی کمپنیوں کے خلاف مہم شروع
- سام سنگ کے 40 ہزار ملازمین نے معاوضہ نہ بڑھانے پر ہڑتال کی دھمکی دے دی
- ٹک ٹاک کا نیا اے آئی فیچر، ویڈیوز کا انداز ہی بدل جائے گا
- یوٹیوبر مسٹر بیسٹ پر خاتون کے سنگین الزامات

