چیف جسٹس کا سوشل میڈیا پر کوئی اکاﺅنٹ نہیں: سپریم کورٹ

اسلام آباد (ویب ڈیسک ) سپریم کورٹ نے چیف جسٹس پاکستان کے سوشل میڈیا پر اکاﺅنٹ کی تردید کردی۔سپریم کورٹ کی جانب سے جاری اعلامیے میں کہا گیا ہے کہ چیف جسٹس پاکستان جسٹس ثاقب نثار کا سوشل میڈیا پر کوئی اکاﺅنٹ نہیں اور چیف جسٹس کے نام سے ٹوئٹر اکاﺅنٹ جعلی ہے۔سپریم کورٹ کے اعلامیے کے مطابق ایف آئی اے اور متعلقہ اداروں کو جعلی اکاﺅنٹس پر کارروائی کی ہدایت کردی گئی ہے۔