بگڑے رئیس زادوں کی بیوہ سے اجتماعی زیادتی ، ” خبریں ہیلپ لائن “میں انکشاف

کھرڑیانوالہ(صابر گھمن سے) لفٹ دینے کے بہانے کار سوار بگڑے رئیس زادوں کا بیوہ خاتون کیساتھ اجتماعی زیادتی ۔خاتون ملزمان کی منت سماجت کرتی رہی مگر رائیس زادوں نے ایک نہ سنی حالت غیر ہونے پر ویرانے میں پھینک کر فرار ہو گئے ۔پولیس ملزمان کو گرفتار کرنے میں ناکام متاثرہ خاتون کا وزیر اعلی پنجاب،آر پی او فیصل آباد سے نوٹس لیکر انصاف و تحفظ کا مطالبہ ۔تفصیلات کے مطابق کھرڑیانوالہ کے نواحی علاقہ 203ر.ب مانوالا کی رہائشی بیوہ خاتون سدرہ بی بی نے پولیس کو بتایا کہ سائلہ سٹاپ پر کھڑی گاڑی کا انتظار کر رہی تھی کہ کار سوار افراد راحیل،نوید،یونس نے لفٹ دینے کے بہانے گاڑی میں بٹھا لیا اور ویرانے میں لے جا کر باری باری اجتماعی زیادتی کا نشانہ بنایا ملزمان کو خدا اور رسول کے واسطے دیتی رہی مگر ملزمان نے ایک نہ سنی اور حالت غیر ہونے پر نیم بے ہوشی کی حالت میں پھینک کر فرار ہو گئے. پولیس تھانہ کھرڑیانوالہ نے مقدمہ درج کرکے تفتیش شروع کر دی ہے. متاثرہ خاتون نے بتایا کہ بگڑے رائیس زادوں نے زیادتی کرکے ظلم و ستم کیا ہے اور مقدمہ درج کروانے پر سنگین نوعیت کی دھمکیاں دے رہے ہیں پولیس ملزمان کو گرفتار کرنے میں تاحال ناکام ہے لہذا وزیراعلی پنجاب، آر پی او فیصل آباد از خود نوٹس لیکر انصاف و تحفظ فراہم کریں. اس حوالہ سے ڈی ایس پی کھرڑیانوالہ نے اپنے موقف میں بتایا کہ ملزمان کو جلد گرفتار کرکے قرار واقعی سزا دی جائے گی۔