امریکی اداکارہ صوفیہ ورگارانے کمائی میں سب کو پیچھے چھوڑ دیا

لاس اینجلس(شوبز ڈیسک) کولمبین نژاد امریکی اداکارہ صوفیہ ورگاراہیں گزشتہ چھ سال کی طرح رواں سال بھی سب سے زیادہ کمانے والی ٹی وی اداکارہ بن گئیں ۔ میڈیا رپورٹس کے مطابق جون 2017 سے لیکر جون 2018 تک صوفیہ نے سوا چار کروڑ ڈالر یعنی ساڑھے پانچ ارب پاکستانی روپے سے زائد کمائے ہیں۔اس دوران ABC ٹی وی کا مشہور شو ماڈرن فیملی ان کی کمائی کا سب سے بڑا ذریعہ رہا ہے۔46 سالہ اداکارہ کی بیشتر کمائی ان کے کامیڈی ٹی وی شوز کے باعث ہے، تاہم انہوں نے ماڈلنگ سے بھی دولت کمائی ہے۔ اور ان کا اپنا فرنیچر اور کافی مشینیں بنانے کا کاروباربھی ہے۔ صوفیہ کے بعد دوسرے نمبر پر اداکارہ کیلی کوکورہیں جن کی ایک سال کی کمائی تقریبا اڑھائی کروڑ ڈالر رہی۔