غریبوں کو بھاری رقم کا لالچ دیکر گردے نکالنے والا گروہ گرفتار ، ” خبریں ہیلپ لائن “میں انکشاف

وزیرآباد (تحصیل رپورٹر) غریب لوگوں کو بھاری رقم کا لالچ دیکر گردے نکال کر فروخت کرنے والے گروہ کے 2 ایجنٹ وزیرآباد سے گرفتار۔ تفصیلات کے مطابق چند روز قبل گھکا میتر کے رہائشی غلام حسین کا بیٹا16سالہ امیر حمزہ ناراض ہو کر گھر سے چلا گیا جوکہ بعد ازاں علی نگر ٹبہ کے رہائشی اعجاز اور علی رضا نامی شخص کے ہتھے چڑھ گیا جنہوں نے دو دن اپنے پاس رکھا اسے جوتے اورنئے کپڑے خرید کر دئےے اور راولپنڈی لیجانے کا پروگرام بنایا اتنے میں امیر حمزہ کے ورثاءکو اطلاع ملنے پر پولیس تھانہ سوہدرہ کی نفری کے ہمراہ اعجاز وغیرہ کے گھر ریٹ کرکے بچے کو بازیاب کرا لیا۔ ملزمان نے پولیس کو دوران تفتیش انکشاف کیا ہے کہ ہم نے اس کو راولپنڈی لے جاکر اس کے گردے نکال کر دو سے تین لاکھ روپے میںفروخت کر نے تھے جوکہ ہم یہ دھندہ کافی عرصے سے کر رہے ہیں۔پولیس مصروف تفتیش ہے مزید بڑا انکشاف متوقع ہے۔