باغی رہنما چودھری نثار علی خان کاپھر سے ملکی سیاست میں قدم رکھنے کا فیصلہ

اسلام آباد (ویب ڈیسک) : مسلم لیگ ن کے باغی رہنما چودھری نثار علی خان نے ایک مرتبہ پھر سے ملکی سیاست میں قدم رکھنے کا فیصلہ کر لیا ہے۔ تفصیلات کے مطابق چودھری نثار علی خان جلد ہی اپنی سیاسی سرگرمیوں کا آغاز کریں گے اور رکن پنجاب اسمبلی کی حیثیت سے حلف بھی ا±ٹھائیں گے۔ چودھری نثار علی خان کے قریبی ذرائع نے بتایا کہ چودھری نثار آئندہ چند روز میں باقاعدہ طور پر سیاسی سرگرمیوں کا آغاز کریں گے۔یہی نہیں بلکہ چودھری نثار علی خان اور مسلم لیگ ن کے قائد نواز شریف کے مشترکہ دوست دونوں رہنماو¿ں کے مابین دوریاں ختم کرنے کے لیے سرگرم بھی ہو گئے ہیں۔ واضح رہے کہ چودھری نثار علی خان نے پارٹی قیادت سے اختلافات کی وجہ سے آزاد حیثیت میں عام انتخابات 2018ئ میں حصہ لیا تھا۔عام انتخابات سے قبل مسلم لیگ ن کے رہنما چودھری نثار علی خان نے پارٹی قیادت کے خلاف علم بغاوت بلند کرتے ہوئے آزاد حیثیت میں الیکشن لڑنے کا اعلان کیا تھا۔چودھری نثار علی خان نے عام انتخابات 2018ئ میں چار نشستوں سےحصہ لیا جس میں دو نشستیں قومی اسمبلی جبکہ دو صوبائی اسمبلی کی تھیں۔ چودھری نثار علی خان کو قومی اسمبلی کی دو نشستوں این اے 59 اور این اے 63 سے اور صوبائی اسمبلی کی نشست پی پی 12 سے شکست کا سامنا ہوا، جبکہ صوبائی اسمبلی کی نشست پی پی 10 سے چودھری نثار علی خان کامیاب قرار پائے لیکن چودھری نثار علی خان نے پنجاب اسمبلی میں حلف نہیں ا±ٹھایا اور نہ ہی اسپیکر ، ڈپٹی اسپیکر اور وزیراعلیٰ کے انتخاب میں حصہ لیا۔