ممبئی (ویب ڈیسک)ہالی وڈ اداکار نک جونس نے اپنی ہونے والی شریک حیات بھارتی اداکارہ پریانکا چوپڑا کے لیے کروڑوں روپے مالیت کا ایک پُرتعیش گھر خرید لیا ہے۔نک جونس اور پریانکا چوپڑا کی شادی کی تیاریاں زوروشور سےجاری ہیں اور شادی کی تیاریوں کی خبر میں مزید ایک خبر کا اضافہ ہوا ہے کہ ہالی وڈ اداکار نے اپنی ہونے والی شریک حیات کے لیے بیورلے ہلز میں ایک شاندار گھر خرید لیا ہے۔بیورلے ہلز امریکی ریاست کیلی فورنیا کا ایک شہر ہے جو مشہور شخصیات خصوصاً فلمی دنیا سے تعلق رکھنی والی نامور سلیبریٹیز کی رہائش گاہوں کے لیے شہرت رکھتا ہے۔ اکتالیس سو انتیس اسکوائر فٹ پر متشمل اس پُرتعیش گھر کی مالیت 65 لاکھ ڈالر ہے۔اس شاندار گھر میں 5 بیڈ رومز ہیں اور اس کا مہمان خانے والا حصہ پانی میں ہے۔ اس کے علاوہ اس محل نما عالیشان گھر میں ایک شاندار سوئمنگ پول بھی ہے اور اس گھر سے خوبصورت وادی کے نظارے کیے بھی جا سکتے ہیں۔پریانکا اور نک جونس کی شادی رواں برس نومبر میں ہونا طے پائی ہے اور دونوں اداکار اپنی عمروں میں فرق کی وجہ سے بھی خبروں کی زینت بنے ہوئے ہیں۔