ن لیگی ایم پی اے سہیل شوکت بھی پھنس گئے ،عدالت کاہتھکڑیاں لگانے کا حکم

لاہور (ویب ڈیسک) عدالت نے مسلم لیگ ن کے نو منتخب ایم پی اے سہیل شوکت بٹ کی گرفتاری کا حکم دے دیا۔سیشن کورٹ میں بابر بٹ قتل کیس کی سماعت ہوئی۔ عدالت نے بابر بٹ قتل کے استغاثہ کیس میں لیگی ایم پی اے سہیل شوکت و دیگر کو طلب کررکھا ہے تاہم وہ عدالت میں پیش نہ ہوئے۔ جج عرفان بسرا نے عدالت میں پیش نہ ہونے پر سہیل شوکت بٹ کی گرفتاری کا حکم دے دیا۔خیال رہے کہ گزشتہ برس مارچ میں پیپلز پارٹی کے رہنما بابر سہیل بٹ کو ذاتی دشمنی کی بنا پر گولیاں مار کر قتل کردیا گیا تھا۔ پولیس نے بابر سہیل بٹ کے قتل پر مسلم لیگ (ن) کے اس وقت کے رکن قومی اسمبلی سہیل شوکت بٹ سمیت 8 افراد کیخلاف مقدمہ درج کیا تھا۔