پاکستان اب بھی دنیا کے ان چند ممالک میں شامل ، جو پولیو کا خاتمہ کرنے میں ناکام رہے

لاہو ر (ویب ڈیسک)پولیو ایک ایسا موذی مرض ہے جو اگر خدانخواستہ لاحق ہوجائے تو وہ متاثرہ بچے کے لیے جسمانی معذوری کی شکل میں ساری زندگی کا روگ بن جاتا ہے۔بدقسمتی سے پاکستان اب بھی دنیا کے ا±ن چند ممالک میں شامل ہے، جو پولیو کا خاتمہ کرنے میں ناکام رہے ہیں، خصوصاً صوبہ بلوچستان میں تو رواں عشرے کے اوائل میں پولیو کےکیسز کی تعداد کافی تشویش ناک رہی لیکن وقت گزرنے کے ساتھ اس میں بہتری آئی ہے ۔بلوچستان سے پولیو کے 73 کیسز رپورٹ ہوئے تھے جبکہ 2014 میں 25 کیسز رپورٹ ہوئے۔ بعد ازاں 3 برس کے عرصہ میں 10 اور رواں برس اب تک پولیو کے 3 کیسز رپورٹ ہوچکے ہیں۔ متعلقہ حکام کا کہنا ہے کہ پولیو کی صورتحال اگرچہ بہتر ہے تاہم ان کاعزم ہے کہ اس وائرس کا صوبے سے مکمل خاتمہ کیا جائے۔