اپوزیشن کا گٹھ جوڑ ، اے پی سی بارے چونکا دینے والے انکشافات

اسلام آباد (آن لائن، این این آئی) اپوزیشن نے حکومت کو ٹف ٹائم دینے کے لئے 31 اکتوبر کو آل پارٹیز کانفرنس طلب کرلی جس میں حکومت کے خلاف قرار داد لانے کی تجویز سمیت پارلیمنٹ میں اپوزیشن کی حکمت عملی پر بھی غور کیا جائے گا۔تفصیلات کے مطابق منگل کے روز جے یو آئی (ف) کے امیر مولانا فضل الرحمن اورسابق صدر آصف علی زرداری کا آ پسمیں ٹیلی فونک رابطہ ہوا جس میں حکومت کے خلاف اپوزیشن پار ٹیوں کا اجلاس بلانے پر تبادلہ خیال ہوا اور فیصلہ کیا گیا کہ 31 اکتوبر کو تمام اپوزیشن پارٹیوں کا اجلاس طلب کیا جائے اب مولانہ فضل ا لرحمن تمام اپوزیشن پارٹیوں سے رابطہ کر کے انہیں 31 اکتوبر کو ہونے والے اپوزیشن پارٹیوں کے اجلاس پر مدعو کریں گے جسمیں حکومت کے خلاف پارلیمنٹ ہاﺅس میں قرار داد لانے سمیت ایوان میں اپوزیشن کی حکمت عملی پر بھی غور کیا جائے گا۔نجی ٹی وی نے اپنی رپورٹ میں دعویٰ کیا ہے کہ پاکستان مسلم لیگ (ن)کے قائد سابق وزیراعظم نواز شریف نے آصف علی زرداری کو پیغام بھجواتے ہوئے کہا ہے کہ وہ گلے شکوے دور کریں، انھیں غلط فہمی ہوئی ہے۔ ان کے خلاف بننے والے مقدمات کا مجھے علم نہیں تھا۔نجی ٹی وی کے مطابق سابق وزیر اعظم محمد نواز شریف نے آصف زرداری کو گلے شکوے ختم کرنے کا پیغام بھجوا دیا۔آصف زرداری کے شکوے کا جواب میں نواز شریف نے مولانا فضل الرحمان کے ہاتھ پیغام بھجواتے ہوئے کہا کہ وہ زرداری صاحب سے کہیں کہ ان کے خلاف مقدمہ میں نے نہیں بنایا ¾ مجھے تو ان مقدمات کا علم ہی نہیں تھا، غلط فہمی دور کر دیں۔ادھر حمزہ شہباز نے بھی پیپلز پارٹی رہنماو¿ں کے ساتھ ملاقات کا اشارہ دے دیا ہے۔ ذرائع کے مطابق مولانا فضل الرحمان کئی دنوں سے ن لیگ اور پیپلز پارٹی کی قیادت کے درمیان غلط فہمیاں دور کرانے کیلئے سرگرم ہیں تا کہ تحریک انصاف حکومت کے خلاف اپوزیشن یکجا ہو کر مشترکہ لائحہ عمل طے کر سکے۔یاد رہے کہ آصف زرداری نے پریس کانفرنس کرتے ہوئے جہاں تحریک انصاف کو آڑے ہاتھوں لیا، وہیں نواز شریف سے بھی شکوہ کرتے ہوئے کہا تھا کہ جو مقدمات وہ بھگت رہے ہیں، یہ نواز شریف کے بنائے ہوئے ہیں۔