”ٹھگز آف ہندوستان “ عامر‘کترینہ دبئی پریمئیر میں شرکت کرینگے

ممبئی (شوبزڈیسک)سپرسٹارعامرخان کثیر سرمائے سے بننے والی اپنی فلم ٹھگز آف ہندوستان کی تشہیری مہم کیلئے دنیا کے بیشترممالک میں گھوم رہے ہیں تاہم وہ 5نومبرکو دبئی پہنچیں گے۔ تشہیری مہم کیلئے عامر خان، کترینہ کیف، فاطمہ ثنا شیخ اور امیتابھ بچن 5نومبرکو دبئی پہنچیں گے جہاں وہ مختلف شاپنگ مالز میں جائیں گے۔اپنے پسندیدہ ستاروں کی ایک جھلک دیکھنے کیلئے جہاں لوگوں کی کثیرتعداد نے ابھی سے منصوبہ بندی شروع کردی ہے، وہیں پاکستان سے بھی بہت سے لوگ انکودیکھنے اور ملاقات کی تیاری میں لگے ہیں۔فلم کونمائش کےلئے پاکستان سمیت دنیا کے بیشترممالک میں8نومبرکوپیش کیاجائے گا۔یہ بالی وڈ کی مہنگی ترین فلم قراردی جارہی ہے، واضح رہے کہ ٹھگز آف ہندوستان کی پاکستان میں نمائش کے حقوق ڈسٹری بیوشن کلب نے حاصل کرلیے ہیں۔