سب سے کم عمر گوریلا چل بسا ،عمر جان کر آپ بھی حیرت میں ڈوب جائیں گے

لاہور (نیٹ نیوز) یورپ کا سب سے عمر رسیدہ گوریلا جرمنی کے شہر نیورمبرگ کے چڑیا گھر میں ہلاک ہو گیا۔ فرٹز نامی یہ گوریلا کافی عرصے سے بیمار تھا۔نیورمبرگ چڑیا گھر کے سٹاف کے مطابق فرٹز ایک بہت خاص کردار کا حامل جانور تھا اور اسے خاص طور پر ریسپ بیری جام بہت زیادہ پسند تھا۔چڑیا گھر کی انتظامیہ کے مطابق 55 سالہ فرٹز کی صحت بہت زیادہ خراب ہو گئی تھی اور اب اس میں اتنی طاقت بھی نہیں رہی تھی کہ وہ کوئی حرکت بھی کر سکے یہاں تک کہ اس میں اپنے پسندیدہ جام اور پنیر کو کھانے کی خواہش بھی پیدا نہ ہوئی ۔یہ گوریلا افریقی ملک کیمرون میں پیدا ہوا تھا اسے 1970 میں نیورمبرگ کے چڑیا گھر میں منتقل کیا گیا تھا۔ اس کے کل چھ بچے ہیں اور 14 پوتے پوتیاں، جو یورپ کے مختلف چڑیا گھروں میں رہتے ہیں۔واضح رہے جنگلوں میں گوریلا زیادہ سے زیادہ چالیس سال کی عمر تک جی پاتے ہیں لیکن چڑیا گھروں میں خاص ماحول اور توجہ کے باعث یہ جانور پچاس سال تک زندہ رہ سکتے ہیں۔دنیا بھر میں سب سے زیادہ طویل عمر پانے والا گوریلا کولو تھا جو جنوری 2017ءمیں امریکہ کے کولمبس چڑیا گھر میں ساٹھ سال کی عمر میں ہلاک ہوا تھا۔