دفاعی چیمپئن جنوبی کوریا کو اپ سیٹ شکست

جکارتہ(سپورٹس ڈیسک)ایشین گیمز2018ءکے فٹبال مقابلوں میں ملائیشیانے دفاعی چمپئن جنوبی کوریاکو 2-1سے ہراکر اپ سیٹ کردیا۔بحرین اور کرغزستان کے درمیان مقابلہ2-2گول سے برابر رہا۔میزبان انڈونیشیان نے لاﺅس کو یکطرفہ مقابلے کے بعد 3-0 سے مات دی۔فلسطین اورہانگ کانگ کے درمیان میچ 1-1گول سے برابررہا۔سعودی عرب نے میانمارکو 3-0 اورایران نے شمالی کوریاکو 3-0 سے ہرایا۔انڈونیشیا میں جاری ایشین گیمزکے فٹبال مقابلوں کے گروپ ای میںجالاک ہروپت سٹیڈیم میں کھیلے گئے میچ میں ملائیشیانے حیران کن طورپر دفاعی چمپئن جنوبی کوریاکو 2-1 سے مات دی۔ راشد سوافی نے کھیل کے5ویں منٹ میں گول کرکے ملائیشین ٹیم کو1-0 کی برتری دلادی۔پہلاہاف ختم ہونے سے چندلمحے قبل راشدسوفی نے ایک بارپھرگیندکوجال میں پہنچادیا اور ملائیشیا کی برتری 2-0ہوگئی۔کھیل ختم ہونے سے 3منٹ قبل جنوبی کوریاکی جانب سے ہوانگ یو نے گول کرکے خساراکم کیا۔ ویمنز فٹبال ایونٹ کے گروپ بی میں چین نے ہانگ کانگ کو 7-0سے قابوکیا۔دوسرے میچ میں شمالی کوریانے تاجکستان پر گولزکی بارش کرتے ہوئے 16-0 سے کامیابی حاصل کی۔