کیا اگلے آئی فون میں 2 سِموں کی گنجائش ہوگی؟

کیلیفورنیا(ویب ڈیسک)اس بات کے بہت زیادہ امکانات ہیں کہ اس سال ایپل کے کسی نئے ماڈل کے اسمارٹ فون میں دو سم لگانے کی سہولت میسر ہوگی۔ اس بات کا انکشاف ایپل کی خبریں چھاپنے والی ویب سائٹ نائن ٹو فائیو میک نے کیا ہے۔ویب سائٹ کے مطابق اس بات کا انکشاف ا?ئی او ایس 12 کے بی ٹا ورڑن میں کیا گیا ہے جس میں ایک جگہ ’سیکنڈ سِم اسٹیٹس‘ کا لفظ استعمال کیا گیا ہے۔ ویب سائٹ نے پورے ا?ئی او ایس کو دیکھتے ہوئے کہا ہے کہ ایک جگہ ’سیکنڈ سِم ٹرے‘ اور ’ڈیوئل سِم اسٹیٹس‘ بھی لکھا گیا ہے۔ایک جانب تو اس سے خود امریکی اور یورپی صارفین ایک سے زائد سِم استعمال کرسکیں گے تو دوسری جانب ڈبل سِم کی سہولت سے بین الاقوامی سفر کرنے والے افراد بھی مستفید ہوسکیں گے۔ علاوہ ازیں اس تبدیلی کا ایک اور مقصد دنیا کے کئی ممالک میں ایک سے زائد سِم فون استعمال کرنے والے ایپل صارفین کو بھی ڈبل سِم کی سہولت فراہم کرنا ہے۔اس سے قبل ایپل کی مدِمقابل اسمارٹ فون کمپنیاں مثلاً سام سنگ، ہواوے اور ون پلس بھی اپنے جدید فونز میں دوہری سِم کی سہولت پیش کرتی آرہی ہیں۔ پھر ایپل ترقی پذیر ممالک میں بھی اپنے قدم جمانا چاہتا ہے جہاں دو سِموں والے موبائل عام استعمال کئے جاتے ہیں۔تاہم بعض تجزیہ نگاروں نے کہا ہے کہ شاید سیکنڈ سِم کے تحت ایپل ایک ای سِم کارڈ بھی پیش کرے گا جو وہ پہلے ہی اسمارٹ واچ میں پیش کرچکا ہے۔ ایپل مصنوعات کی پیش گوئی کرنے والے مشہور ماہر مِنگ چی کواو¿ کا اصرار ہے کہ ستمبر میں ایپل کم ازکم تین نئے فون پیش کررہا ہے جن میں ساڑھے چھ ایچ اسکرین کا ا?ئی فون ایکس پلس، 6.1 انچ کا سادہ ا?ئی فون اور اس سے کم اسکرین کا ایسا ماڈل بھی ہوگا جو آئی فون ایکس سے مشابہ ہوگا۔