کیلیفورنیا (ویب ڈیسک ) کیلیفورنیا میں ہالی وڈ کی کامیڈی اور ایڈونچر سے بھرپور فلم “کرسٹوفر روبن” کا پریمئیر ہوا جس میں فلم کی پوری کاسٹ شریک ہوئی۔Burbank کے ڈزنی سٹوڈیو میں فلم “کرسٹوفر روبن”کا ورلڈ پریمئیرہوا، فلم کی کہانی ایک شخص کی ہے جس کی ملاقات اچانک اپنے بچپن کے دوست Winnie-the-Pooh سے ہوتی ہے اور پھر اس کی زندگی دلچسپ موڑ لیتی ہے۔فلم میں روبن کا کردار اداکار ایون میک گریگر نے نبھایا ہے، مارک فورسٹر کی ہدایتکاری میں بننے والی کمپیوٹرائز اینی میٹڈ فلم کرسٹوفر روبن 3 اگست کو سینما گھروں کی زینت بنے گی۔
