پاکستان موسیقی کے حوالے سے ذرخیز ملک ہے:راحت فتح

لاہور(شوبزڈیسک) گلوکار راحت فتح علی خان نے کہا ہے کہ پاکستان فن موسیقی کے حوالے سے زرخیز ملک ہے اور پوری دنیا میں صرف ایک استاد نصرت فتح علی خان جیسا گائیک نہیں۔ تفصیلات کے مطابق ایک انٹرویو میں راحت فتح علی خان کا کہناتھا کہ ہمارے ہاں کسی کی تعریف کرنے میں ہچکچاہٹ کا مظاہرہ کیا جاتا ہے حالانکہ جو بھی اچھا کام کر رہا ہے وہ پاکستان کا اثاثہ اور فخر ہے۔انہوں نے کہا کہ بھارت ایک بڑا ملک ہے اس لئے اس کی مارکیٹ بھی بڑی ہے۔ پاکستانی گلوکاروں نے قوالی،غزل ، فوک سمیت ہر طرح کی موسیقی میں بے پناہ نام کمایا ہے۔ انہوں نے کہا کہ ہمیں اپنے گلوکاروں کو کریڈٹ دینا چاہیے اور ان کی تعریف کرنی چاہیے گجو کوئی بھی اچھا کام کر رہا ہے وہ پاکستان کا اثاثہ بلکہ ہمارا فخر ہے اور ہمیں اس کا بر ملا اظہار کرنا چاہیے۔ انہوں نے کہا کہ ہماری فلم انڈسٹری بھی ترقی کی جانب گامزن ہے اور یقینااس کے موسیقی پر بھی مثبت اثرات مرتب ہوں گے۔یاد رہے گلوکار استاد نصرت فتح علی کے بھتیجے بھی ہیں اور پوری دنیا میں اپنی آواز کا لوہا منوا چکے ہیں ۔انہوں نے بہت بھارتی فلموں میں بھی آواز کا جادو جگایا۔