11اگست کو حلف اُٹھاﺅ نگا وزیر اعلی خیبر پختونخوا کے معاملہ پر بلیک میل نہیں ہونگا

اسلام آباد، پشاور (مانیٹرنگ ڈیسک) اعلان کیا ہے کہ چیئرمین تحریک انصاف عمران خان نے 11اگست کو وزارت عظمیٰ کا حلف لوں گا۔ خیبرپختونخوا کے وزیراعلیٰ کا فیصلہ کرچکا ہوں۔ آئندہ 48گھنٹوں میں نام کا اعلان کردونگا۔ وزیراعلیٰ کے حوالے سے کسی بلیک میلنگ میں نہیں آﺅں گا۔ وزیراعلیٰ سے متعلق فیصلہ عوام کی بہتری کیلئے کیا ہے خیبرپختونخوا کے اراکین سے خطاب یں انہوں نے کہا کہ اندرون سندھ کی پسماندگی کا خاتمہ اولین ترجیح ہے۔ جبکہ تحریک انصاف نے قومی اسمبلی میں 162ارکان کی حمایت کا دعویٰ کردیا ہے۔ نومنتخب قومی اسمبلی کا اجلاس 6سے 11اگست تک بلائے جانے کا امکان ہے،پاکستان تحریک انصاف 14اگست سے قبل حکومت سازی کا عمل مکمل کرنا چاہتی ہے،نو منتخب قومی اسمبلی کے پہلے اجلاس میں سپیکر قومی اسمبلی سردار ایاز صادق کامیاب ارکان سے حلف لیں گے جبکہ حلف کے بعد نئے سپیکر قومی اسمبلی اور ڈپٹی اسپیکرکا انتخاب کیا جائے گا۔ذرائع کے مطابق عام انتخابات 2018میں پاکستان تحریک انصاف(پی ٹی آئی)کی کامیابی کے بعد نو منتخب قومی اسمبلی کا اجلاس 6اگست سے 11اگست تک بلائے جانے کا امکان ہے۔ ذرائع کے مطابق تحریک انصاف 14اگست سے قبل حکومت سازی کا عمل مکمل کرنا چاہتی ہے۔پی ٹی آئی 14اگست کو یوم آزادی کی تقریب نئے وزیراعظم کے ذریعے کرانے کی خواہش مند ہے۔نو منتخب قومی اسمبلی کے پہلے اجلاس میں سپیکر قومی اسمبلی سردار ایاز صادق کامیاب ارکان سے حلف لیں گے جبکہ حلف کے بعد نئے سپیکر قومی اسمبلی اور ڈپٹی اسپیکرکا انتخاب کیا جائے گا۔پی ٹی آئی نے قومی اسمبلی کی 272جنرل نشستوں کیلئے 229حلقوں سے امیدواروں کو میدان میں اتارا تھا جبکہ تحریک انصاف کے چیئرمین عمران خان نے خود 5حلقوں سے انتخابات میں حصہ لیا تھا۔واضح رہے کہ ملکی آئین کے تحت پولنگ ڈے سے 21دن کے اندر قومی اسمبلی کا اجلاس بلانا ضروری ہے۔