بیوہ پر تشدد ، با اثر افراد گلیوں میں نیم برہنہ گھسیٹتے رہے، متاثرہ خاتون نے ” خبریں ہیلپ لائن “ سے مدد طلب کر لی

گگومنڈی (میاں ذوالفقار) بااثرافرادکابیوہ پروحشیانہ تشدد،نازک اعضاءپرڈنڈے اورٹھڈے مارتے رہے۔تشددسے بیوہ شریفاں بی بی کے کپڑے پھٹ گئے۔بااثرملزمان بیوہ کونیم برہنہ حالت میں بالوں سے پکڑکرگلیوں میں گھسیٹتے رہے۔ملزمان کے خوف سے گاﺅں کاکوئی شخص بیوہ کی امدادکونہ آیا۔283۔ای بی کا محمدابراہیم خان بیوہ خاتون شریفاں بی بی کے گھرکے سامنے گندہ پانی چھوڑدیتاتھاجسے ایسا کرنے سے منع کیاگیاتووہ طیش میں آگیا۔تھانہ گگومنڈی پولیس کودرخواست دے دی گئی ہے تاحال بااثرملزمان کے خلاف کوئی کاروائی نہیں ہوسکی۔متاثرہ بیوہ خبریں آفس پہنچ گئی۔آئی جی پنجاب،آرپی اوملتان،ڈی پی اووہاڑی اورڈی ایس پی بوریوالاسے انصاف اورتحفظ دلائے جانے کی اپیل۔تفصیلات کے مطابق گزشتہ روزنواحی گاﺅں283۔ای بی کی رہائشی شریفاں بی بی بیوہ لیاقت علی قوم بھٹی نے خبریں آفس پہنچ کربتایاکہ میں انتہائی غریب ہوں میراخاوندفوت ہوچکاہے۔میراہمسایہ محمدابراہیم ولدخادم علی پٹھان روزانہ میرے گھرکے سامنے گندہ پانی چھوڑدیتاتھا جس کوایساکرنے سے منع کیاتوابراہیم خان ہمراہی شیرخان زبردستی میرے گھرمیں داخل ہوگئے اورمجھے بالوں سے پکڑکرباہرگلی میں لے آئے جہاں دونوں ملزمان نے ڈنڈے اورٹھڈوں سے مجھ پردوگھنٹے تک بیہمانہ تشددکیا۔شریفاں بی بی نے بتایاکہ ابراہیم خان میرے نازک اعضاءپرڈنڈے اورٹھڈے مارتارہااس دوران میرے کپڑے بھی پھٹ گئے توملزمان اسی حالت میں مجھے گلیوں میں گھسیٹتے رہے۔شریفاں بی بی نے بتایاکہ گاﺅں کے مرد وخواتین دورکھڑے تماشادیکھتے رہے لیکن ملزمان کے خوف سے کوئی شخص بھی میری مددکونہ آیا۔شریفاں بی بی نے کہاکہ تھانہ گگومنڈی پولیس کودرخواست دے دی گئی ہے تاحال پولیس نے بااثرملزمان کے خلاف کوئی کاروائی نہیں کی ہے۔متاثرہ خاتون نے آئی جی پنجاب،آرپی اوملتان،ڈی پی وہاڑی اورڈی ایس پی بوریوالاسے فوری انصاف اورتحفظ دلائے جانے کی اپیل کی ہے۔