ہار جیت کا فرق صرف 600 ،شہبازشریف نے این اے 249کراچی سے ووٹوں کی دوبارہ گنتی کی درخواست دیدی

کراچی (ویب ڈیسک) مسلم لیگ ن کے صدر شہبازشریف نے این اے 249کراچی سے ووٹوں کی دوبارہ گنتی کی درخواست دیدی ہے ،ان کی شکست کا مارجن صرف 600سے زائد ووٹ ہیں۔نجی ٹی وی چینل کے مطابق این اے 249 سے تحریک انصاف کے فیصل واوڈا 35ہزار 344ووٹ لے کر کامیاب ہوئے،ان کے مقابل امیدوار شہبازشریف کے ووٹوں میں 600 سے زائد ووٹوں کا فرق ہے۔شہبازشریف کی طرف سے ن لیگی رہنما رانا مشہود نے ری کاﺅنٹنگ کی درخواست دی اور کہا کہ دوبارہ گنتی تک این اے 249 کا نتیجہ روک لیا جائے۔درخواست میں یہ موقف اپنایاگیا کہ حلقے میں ساڑھے 3ہزار ووٹ مسترد کئے گئے جبکہ ہار جیت کا فرق صرف 600 سے زائد ووٹ ہیں، جن حلقوں سے ہمارے پولنگ ایجنٹ نکالے گئے ،ان کے نتائج مشکوک ہیں۔