عمران کی فتح پر کپل دیو، رشی کپور باکسر عامر خان اورزیک گولڈ سمتھ کی مبارکباد

اسلام آباد  (مانیٹرنگ ڈیسک) کپل دیو نے انتخابات میں عمران خان کو کامیابی پر مبارکباد دی اور کہا کہ عمران خان کا وزیر اعظم بننا خوشی کی بات ہے ،عمران خان میں پہلے بھی جنون تھا اور اب بھی ہے ۔سابق بھارتی کپتان نے مزید کہا کہ پاک بھارت کرکٹ تعلقات بحال ہوئے تو بے حد خوشی ہو گی ۔واضح رہے کہ اس سے قبل رشی کپور نے کہا تھا کہ عمران خان نے بہت اچھی باتیں کیں ،میں بھی پچھلے دو دنوں سے یہ ہی کہہ رہا تھا جو تم نے پاکستان اور بھارت کے بارے میں کہا،مجھے امید ہے تم اپنے ملک کے ہمارے ملک کے ساتھ تعلقات بہتر بنانے میں کامیاب ہو گےپاکستانی نژاد برطانوی باکسر عامر خان نے کہا کہ پاکستان کومل کر بہتر بنائیں عامر خان نے عمران خان کی جیت پر نیک خواہشات کا اظہار کیا۔پاکستان کے عام انتخابات میں تحریک انصاف نے واضح برتری حاصل کر لی ہے۔ اس موقع پر عمران خان کی سابقہ اہلیہ کے بھائی زیک گولڈ سمتھ ے بھی پاکستانیوں کے لیے پیغام بھیجا ہے۔ مائیکروبلا گنگ ویب سائٹ پر زیک گولڈ سمتھ نے پاکستان میں سب سے زیادہ مشہور نعرہ” پاکستان زندہ باد“ پوسٹ کیا۔ اس پر تحریک انصاف کے کارکناں ے اپنے جذبات کا اظہار بھی کیا۔