گلوکار محمد رفیع کی 38 ویں برسی 30جولائی کو منائی جائیگی

لاہور (شوبزڈیسک) چالیس سال سے زائد عرصے تک ہزاروں گیت گانے والے برصغیر کے مایہ ناز گلوکار محمد رفیع کے مداح ان کی 38 ویں برسی 30جولائی کو منائی جائیگی ۔ تفصیلات کے مطابق 24دسمبر 1924ءکو کوٹلہ سلطان سنگھ امرتسر میں پیدا ہونے والے محمد رفیع سات بہن بھائیوں میں سے سب سے چھوٹے تھے۔ بچپن میں ہی گلوکاری کا شوق رکھنے والے محمد رفیع نے پہلی بار 1941ءمیں لاہور میں پنجابی فلم ”گل بلوچ“ کےلئے گانا گایا۔محمد رفیع کو بریک تھرو 1947ءکو ہدایت کار شوکت حسین رضوی کی فلم ”جگنو“ سے ملا جس کے بعد ان کی مقبولیت کے نہ تھمنے والے سفر کا آغاز ہوا۔ محمد رفیع کی زندگی میں سب سے بڑا موڑ اس وقت آیا جب موسیقار اعظم نوشاد نے انہیں گانے کاموقع دیا۔ نوشاد کےساتھ محمد رفیع کی جوڑی بہت کامیاب رہی۔ گائیکی کےساتھ محمد رفیع کو اداکاری کا بھی شوق تھا۔انہوں نے سماج کو بدل ڈالا اورہدایت کارشوکت حسین رضوی کی فلم ”جگنو“ میں اداکاری کی۔ aچالیس سال سے زائد عرصے تک آواز کا جادو جگانے والے محمد رفیع نے تیس ہزار کے قریب فلمی اور غیرفلمی نغمات ریکارڈ کروائے۔ 1972ءمیں رفیع نے حج بیت اللہ کی سعادت ملنے کے بعد فلموں میں بھجن گانا چھوڑ دیے جس سے ان کے ہندو ساتھی ناراض ہو گئے۔ معروف گلوکارہ لتاجی ان میں شامل تھیں۔