آخر کار روس نے سپین کو شکست دیکر کواٹر فائنل میں قدم رکھ دیا

ماسکو(ویب ڈیسک) فیفا فٹبال ورلڈ کپ میں روس نے اسپین کو شکست دے کر کوارٹر فائنل میں قدم رکھ دیا۔ورلڈ کپ کی فیورٹ ٹیموں میں شامل اسپین نے روس کے خلاف میچ کا آغاز جارحانہ انداز میں کیا اور 30 منٹ تک مکمل طور پر اسپینش کھلاڑی چھائے رہے، اس دوران ان کی جانب سے روس پر مسلسل دباو¿ بڑھانے کا سلسلہ جاری رکھا، جس کا نتیجہ یہ نکلا کہ 12 ویں منٹ میں روس کے سینئر سینٹر بیک سرگئی اگناشیویچ نے خود ہی گیند اپنے جال میں ڈال کر اسپین کو پہلے گول کا تحفہ دے دیا۔میزبان ٹیم کو نم آلود کنڈیشنز میں ہاف وے لائن سے آگے بڑھنے میں ہی انتہائی دشواری کا سامنا کرنا پڑرہا تھا، ا?خر کار الیگزینڈر گولوون کو پہلا چانس ملا مگر ان کی شاٹ گول کیپر ڈیوڈ ڈی گیا کے بائیں جانب چلی گئی۔ ہاف ٹائم سے قبل روس کو کم بیک کا اس وقت موقع میسر آیا جب گول پوسٹ کے قریب گیرارڈ پائیک کا ہاتھ گیند کے سامنے ا?نے کی وجہ سے میزبان ٹیم کو پنالٹی ملی جس پر ا?رتٹیم ڈزیوبا نے گیند کو جال کی راہ دکھا کر مقابلہ برابر کردیا۔ہاف ٹائم کے بعد بھی اسینش ٹیم کا توقع کے عین مطابق گیم پر مکمل کنٹرول رہا، اس دوران اس کی جانب سے کچھ حقیقی مواقع بھی پیدا کیے گئے تاہم روسی گول پوسٹ میں موجود ا?ئیگور اکنفیف ایک چٹان کی طرح ڈٹے رہے، وہ روس کے کپتان بھی ہیں۔ مقررہ وقت میں مقابلہ 1-1 سے برابر رہنے پر اضافی وقت دیا گیا مگر اس دوران بھی کوئی ٹیم ڈیڈ لاک ختم نہیں کرپائی، جس پر ا?خر کار فاتح ٹیم کے تعین کے لیے پنالٹی شوٹ آو¿ٹ شروع ہوا۔دونوں جانب سے ابتدائی دو شوٹس برابر رہے تاہم اسپین کے تیسرے پنالٹی شوٹ پر اکنفیف نے کوک کی شاٹ کو روک کر ہوم کراو¿ڈ کو خوشی سے اچھلنے پر مجبور کردیا، چوتھی اسپینش شوٹ بھی نشانے پر رہی اب آخری پنالٹی شوٹ تھی جس پر اسپین کو نہ صرف گول کرنا تھا بلکہ اس کے گول کیپر کو میزبان ٹیم کا ا?خری حملہ ناکام بنانا تھا جس سے مقابلہ بریک تھرو کیلیے سڈن ڈیتھ پر جاتا مگر اکنفیف نے مقابلے کو مزید لٹکانے کے بجائے آئیاگو ایسپاس کی کک پر آنے والی سیدھی گیند کو گول پوسٹ کے اوپر سے اچھال کر اپنی ٹیم کی کامیابی پر مہر ثبت کردی۔اس طرح روس کوارٹر فائنل میں پہنچ گیا جبکہ جرمنی، ارجنٹائن اور پرتگال کے بعد ایک اور ٹائٹل فیورٹ ٹیم اسپین بھی ایونٹ سے باہر ہوگئی۔ سوویت یونین کے ٹوٹنے کے بعد پہلی بار روس کی ٹیم کسی ورلڈ کپ کے کوارٹر فائنل میں پہنچی ہے۔ اسپین کی ٹیم کو ورلڈ کپ میں اپنے چوتھے پنالٹی شوٹ ا?و¿ٹس میں تیسری مرتبہ ناکامی کا سامناکرنا پڑا۔ دلچسپ بات یہ ہے کہ ورلڈ کپ ٹورنامنٹس میں ا?خری 5 شوٹ ا?و¿ٹس میں میزبان ممالک کو ہی فتح حاصل ہوئی ہے۔