اسلام آباد (ویب ڈیسک) پاکستان تحریک انصاف کے مرکزی رہنما جہانگیر ترین کے بارے میں افواہیں گرم تھیں کہ وہ ٹکٹوں کی تقسیم کے معاملے پر ناراض ہو کر لندن جاچکے ہیں لیکن انہوں نے اس وقت ان افواہوں کو غلط ثابت کردیا جب وہ اتوار اور پیر کی درمیانیشب پاکستان واپس آگئے۔جہانگیر ترین نے وطن واپس آتے ہی ٹوئٹر کا محاذ سنبھالا اوراپنی آمد کا اعلان کیا۔ انہوں نے لکھا ”میں اب پاکستان واپس آچکا ہوں ، اگلے 25 روز کی دوڑ میں شامل ہونے کیلئے مکمل طور پر تیار ہوں۔ ڈیئر انصافینز آ? سب مل کر اس سٹیٹس کو کے خلاف اکٹھے ہوجائیں جس کے خلاف ہم سارا وقت لڑتے رہے ہیں۔ یہ کرپٹ مافیا سے نجات حاصل کرنے کا موقع ہے“۔
