فلم انڈسٹری کو بچانے کیلئے بھارتی فلموں کو روکا جائے:ندیم

لاہور(شوبزڈیسک) ماضی کے مقبول ہیرو اداکار ندیم نے کہا ہے کہ چند مفاد پرست لوگ پاکستانی فلم انڈسٹری کو مکمل طور پر تباہ کرنا چاہتے ہیں‘ ملکی سینماﺅں میں بھارتی فلموں کی نمائش پاکستان اور یہاں کی ثقافت کے خلاف ہے‘حکومت کو چاہئے کہ وہ بھارتی فلموں کی نمائش روکے ۔ اپنے ایک انٹرویو میں اداکار ندیم نے کہا کہ چند مفاد پرست لوگ اپنے ذاتی فائدے کیلئے پاکستانی فلم انڈسٹری کو تباہ کرنے کے ایجنڈے پر کام کر رہے ہیں ۔ انہوں نے کہا کہ میں نے پہلے بھی ہر فورم پر بھارتی فلموں کی نمائش کی مخالفت کی تھی اور اب بھی کہتا ہوں کہ اگر پاکستانی فلم انڈسٹری کو دوبارہ اٹھانا ہے تو مقامی فلم انڈسٹری کو مکمل سپورٹ کرنا ہوگا۔