حکومت سینماﺅں کوریلیف کیلئے خصوصی پیکج کا اعلان کرے :سنگیتا

لاہور(شوبز ڈیسک) ہدایت کار سنگیتا نے کہا ہے کہ پاکستانی فلم انڈسٹری کو پاﺅں پر کھڑا کرنا کسی ایک شخص کے بس کی بات نہیں‘ جب تک اجتماعی کوششیں نہیں ہوں گی حالات کو بہتر بنانا ممکن نہیں‘ حکومت کو چاہئے کہ وہ سینماﺅں کوریلیف دینے کیلئے خصوصی پیکج کا اعلان کرے۔ انہوں نے کہا کہ پاکستانی فلم انڈسٹری کو مضبوط بنانے کیلئے اس کی بنیاد کو مضبوط کرنا ہو گا جو صرف اجتماعی کوششوں سے ممکن ہے۔ انہوں نے کہا کہ میں تو جہاں تک ممکن ہو سکے انڈسٹری کی بہتری کیلئے اپنا کردار ادا کر رہی ہوں اور میری خواہش ہے کہ جب تک زندہ ہوں انڈسٹری کی بہتری کیلئے کام کروں اور انڈسٹری کو زیادہ سے زیادہ مضبوط بنا سکوں۔