بریڈا(نیوزایجنسیاں)پاکستان نے چمپئنز ٹرافی ہاکی ٹورنامنٹ میں پاکستان نے ارجنٹائن کوہراکرپہلی کامیابی سمیٹ لی۔میگاایونٹ میں اپنے چوتھے میچ میںاولمپک چمپئن ارجنٹائن کیخلاف پاکستانی ٹیم نے شاندارکارکردگی کامظاہرہ کیااورچاربارگیندکوجال میں پہنچایا ۔ گرین شرٹس کی جانب سے عرفان جونیئر ،مبشر علی ، اعجازاحمداورمحمدبلال نے گولزکیے،قومی ٹیم آج آخری میچ میں بلجیم سے مقابلہ کریگیچیمپئنز ٹرافی ہاکی ٹورنامنٹ میں(آج)جمعہ پاکستانی ٹیم اگلا میچ بلجیم کے ساتھ کھیلے گی ۔تفصیلات کے مطابق پاکستان کی ٹیم کو تینوں میچ میں ہی شکست کا سامنا کرنا پڑا ۔پہلے میچ میں بھارت نے پاکستان کو 4-0 سے شکست دی، دوسرے میچ میں آسٹریلیا کی ٹیم انتہائی سخت مقابلے کے بعد پاکستان کو 2-1 سے شکست دی جبکہ تیسرے میچ میں میزبان ہالینڈ نے پاکستان کو بآسانی 4-0 گول سے شکست دی ۔ ٹورنامنٹ میں (آج)جمعہ ایک میچ کھیلا جائیگا جس میں پاکستان اور بلجیم کی ٹیمیں آمنے سامنے ہونگی۔ ٹورنامنٹ میں پرسوں ہفتہ کو فائنل سے قبل آخری دو میچ کھیلے جائینگے اور اس سلسلے میں پہلا میچ ارجنٹائن اور آسٹریلیا کے درمیان کھیلا جائیگا جبکہ دوسرا میچ ہالینڈ اور بھارت کے درمیان کھیلا جائیگا۔
