”سچا اور کھرا لیڈر“انتخابی امیدواروں کے لیے مشعل راہ ہے،شہباز شریف چیف ایڈیٹر ”خبریں“گروپ کی سابق وزیر اعلی سے ایڈیٹر امتنان شاہد کے ہمراہ ملاقات ،اپنی کتاب بھی پیش کی

لاہور (اپنے نمائندے سے) خبریں گروپ کے چیف ایگزیکٹو ضیاشاہد نے اپنی نئی کتاب ”سچا اور کھرا لیڈر“ پاکستان مسلم لیگ ن کے صدر اور وزیراعلیٰ پنجاب شہبازشریف کو آج ان کی رہائش گاہ پر ملاقات کے دوران پیش کی۔ اس موقع پر ایڈیٹر خبریں گروپ و سی او چینل ۵ امتنان شاہد بھی موجود تھے۔ اس موقع پر تبادلہ خیال کرتے ہوئے مسلم لیگ (ن) کے صدر شہبازشریف نے ضیاشاہد کو مخاطب کرتے ہوئے کہا کہ بانی پاکستان قائداعظمؒ محمد علی جناح کی زندگی پر مبنی یہ خوبصورت اور تحقیقی تصنیف آیندہ الیکشن میں حصہ لینے والے تمام امیدواران کو پڑھنی چاہئے کیونکہ یہ کتاب ان کے لئے مشعل راہ ہے۔ اس موقع پر سابق سیکرٹری اطلاعات پنجاب راجہ جہانگیر انور بھی موجود تھے۔