ہاتھ کو ٹچ سکرین میں بدلنے والی سمارٹ واچ

لاہور (نیٹ نیوز) امریکہ کی کارنیگی میلون یونیورسٹی کے سائنسدانوں نے لیومی واچ نامی یہ ڈیوائس تیار کی ہے، جو پہننے والے کے بازو یا ہاتھ کو ٹچ سکرین میں تبدیل کردیتی ہے اور صارف جلد پر سوائپ اور کلک کرکے اپنے کام کرسکتے ہیں۔فی الحال اسکا پروٹو ٹائپ ورژن پیش کیا گیا ہے اور اسے بنانے والوں کا کہنا تھا کہ اسے پہننے والا بائیں جانب سوائپ کرکے گھڑی کو ان لاک کریگا جسکے بعد ایپس ہاتھ پر ڈسپلے ہونا شروع ہوجائیں گی۔یہ گھڑی 40 سکوائر سینٹی میٹر کا انٹرفیس ہاتھ پر پراجیکٹ کرے گی جو ایک عام سمارٹ واچ کی سکرین سے 5 گنا زیادہ ہے ۔ سمارٹ واچ میں اینڈ رائیڈ 5.1 آپریٹنگ سسٹم دیا گیا ہے اور ہاتھ کو انٹرفیس میں تبدیل کرکے استعمال کرنے پر بیٹری ایک گھنٹے تک کام کرتی ہے ۔ اس پروٹوٹائپ ماڈل کی قیمت 600 ڈالر کے قریب ہونے کا امکان ہے۔