دنیا کی معمر ترین مکڑی چل بسی

سڈنی (نیٹ نیوز) دنیا کی معمر ترین مکڑی 43 سال کی عمر میں چل بسی۔ آسٹریلوی بائیولوجی جریدے میں شائع ہونے والی رپورٹ کے مطابق اس مکڑی کی پیدائش 1974 میں ہوئی تھی۔ رپورٹ کے مطابق نمبر 16 کے نام سے پہچانی جانے والی اس مکڑی کو سب سے پہلے کیڑے مکوڑوں کی زندگی پر تحقیق کرنے والی سائنسدان باربرا یورک مین نے دیکھا تھا۔اس کے بعد سے باربرا نے اس مکڑی کا مشاہدہ جاری رکھا۔یہ مکڑیاں عام مکڑی کی نسبت بھاری جسامت رکھتی ہے اور زہریلی ہوتی ہے یہی وجہ ہے کہ اگر یہ اپنے بلوں سے نکلتی ہیں تو انسانوں کا شکار بن جاتی ہیں۔ اس قسم کی مکڑیاں صرف ایک محفوظ بل میں رہتے ہوئے طویل عمر پاجاتی ہے۔