آج پاور شو ، کون کون سی جماعت ان ایکشن ، دیکھئے خبر

لاہور ( ویب ڈیسک ) انتخابات کا وقت قریب ہوتے ہی سیاسی ہلچل بڑھ گئی ہے ایسے میں ملک کی بڑی جماعتوں نے آج سیاسی پنڈال سجا لیے ہیں۔پیپلز پارٹی سمیت تحریک انصاف، متحدہ مجلس عمل، عوامی نیشنل پارٹی اور قومی وطن پارٹی ملک کے مخلتف شہروں میں آج جلسے کر رہی ہے جس کی تیاریاں زور و شور سے کی جاری ہیں۔ پاکستان پیپلزپارٹی کراچی کے علاقے لیاقت آباد ٹنکی گروانڈ میں اپنا پاور شو کر رہی ہے۔ شہر بھر پیپلز پارٹی کے بینرز اویزاں ہیں جیالے بھی جلسے میں شرکت کے لیے تیاریوں میں مصروف ہیں۔120 فٹ لمبا اور 40 فٹ چوڑا اسٹیج تیار کیا جارہا ہے تیس ہزار کرسیاں لگائی جارہی ہیں جلسے سے شام 6 بجے چیئرمین پیپلز پارٹی بلاول بھٹو زرداری خطاب کریں گے ۔ پیپلز پارٹی رہنماوں کی جانب سے بتایا گیا ہے کہ جلسے میں شرکت کے لیے پیپلز پارٹی کے 6 اضلاع سے لوگ ریلیوں کی شکل میں جلسہ گاہ پہنچیں گے۔جلسے گاہ میں جانے کا وقت شام 4 بجے مقرر کیا گیا ہے اور داخلے کے لیے تین دروازہ بنائے گئے ہیں۔دوسری جانب جلسے کے لیے سیکیورٹی انتظامات کو حتمی شکل دے دی گئی ہے تاہم سیکوریٹی اہلکاروں سمیت ہزار سے زائد پیپلز پارٹی کے رضاکار سیکورٹی کے فرائض انجام دیں گے۔علاوہ ازیں پنڈال کے اندر ایس ایس یو کے اہلکار تعینات ہوں گے جب کہ ضلع وسطی کے 1400 پولیس اہلکار و افسران بھی سیکیورٹی خدمات انجام دیں گے۔افسران میں ایک ایس ایس پی، 4 ایس پیز اور 9 ڈی ایس پیز شامل ہیں، 100 لیڈی سرچرز بھی سیکیورٹی کے فرائض سرانجام دیں گی۔جلسے میں شرکت کے لیے ایف سی گروانڈ سمیت 6 مختلف جگہوں کو پارکنگ کے لیے مختص کیا گیا ہے جہاں سو پولیس موبائلیں علاقے کے گشت پر مامور ہوں گی۔ پاکستان تحریک انصاف آج لاہور کے گریٹر اقبال پارک میں مینار پاکستان کے سائے تلے سیاسی قوت کا مظاہرہ کرے گی۔پی ٹی آئی چیئرمین عمران خان دیگر پارٹی رہنماوں کے ہمراہ جلسے سے خطاب کریں گے۔پی ٹی آئی رہنماو¿ں کا کہنا ہے کہ یہ تاریخی جلسہ ہوگا جیسے پہلے پاکستان کی تاریخ کا جلسہ مینار پاکستان پر ہوا تھا۔حالانکہ گزشتہ روز پی ٹی آئی چیئرمین عمران خان دیگر پارٹی رہنماوں کے ہمراہ رات جلسہ گاہ پہنچے اور انتظامات کا جائزہ بھی لیا۔ عمران خان مرکزی اسٹیج پر آئے تو آتشبازی کا شاندار مظاہرہ کیا گیا اور شرکاءکا جوش و خروش خوب بڑھایا گیاجلسہ گاہ میں لوگوں کی بڑی تعداد موجود تھی جنہوں نے پی ٹی آئی کی چاند رات کو خوب انجوائے کیا۔