ہاکی فیڈریشن نے بڑا پلان تیار کر لیا

لاہور(آئی این پی)پاکستان ہاکی فیڈریشن نے ایشین گیمزمیں گولڈمیڈل جیتنے اورٹوکیو اولمپکس کومدنظررکھ کر نیا پلان تیارکرلیا۔ قومی ہاکی ٹیم کیلئے نوجوان کھلاڑیوں کابیک اپ تیارکرنےکافیصلہ کیا ہے۔قومی ہاکی ٹیم کےلئے بیک اپ تیارکرنے کےلئے فزیکل کنڈیشنگ کیمپ لگایاجائےگا۔کیمپ پر ملک بھر سے تعلق رکھنے والے 41جونیئرکھلاڑیوں کا طلب کیاجارہے۔بتایا جاتاہے کہ کیمپ26اپریل سے اسپورٹس بورڈاسلام آبادمیں قائم کیاجائےگا۔ پی ایچ ایف کی جانب سے فزیکل کنڈیشنگ کیمپ میں بلائے گئے کھلاڑیوں میں وقاریونس،رضوان علی،ریحان بٹ اورمعین شکیل شامل ہیں۔اس کے علاوہ کیمپ میں 2گول کیپروں اکمل حسین اوراویس رشیدکوبھی طلب کیاگیاہے۔جبکہ چیمپئنز ٹرافی کی تیاریوں کیلئے قومی ہاکی ٹیم کا فٹنس کیمپ یکم مئی سے ایبٹ آباد میں منعقد ہو گا۔ 15 مئی تک جاری رہنے والے اس کیمپ میں آرمی انسٹرکٹرز کھلاڑیوں کو ٹریننگ دیں گے، کیمپ کا مقصد کامن ویلتھ میں سامنے آنے والی فٹنس کمز وریوں پر قابو پانا ہے، مجموعی طور پر 25 کھلاڑی شریک ہوں گے، فٹنس کیمپ ختم ہونے کے بعد کراچی میں ٹریننگ کا سلسلہ شروع ہوگا،چیمپئنز ٹرافی 23 جون سے یکم جولائی تک ہالینڈ میں ہوگی۔