”ہندی میڈیم“ نے سلمان اور عامر کو بھی مات دیدی

ممبئی (خصوصی رپورٹ) پاکستانی فلموں کے بعد بالی ووڈ میں بھی اپنی اداکاری کے جوہر دکھانے والی اداکارہ صبا قمر کی بالی ووڈ ڈیبیو فلم ”ہندی میڈیم“ نے بھارت اور پاکستان کے بعد چین میں بھی تہلکہ مچاتے ہوئے سلمان خان کی ”بجرنگی بھائی جان“ اور عامر خان کی فلم ”دنگل“ کو پیچھے چھوڑ دیا ہے۔ فلم چینی باکس آفس پر 205.21 کروڑ کا بزنس کر کے دو سو کروڑ کلب میں شامل ہو گئی ہے۔ واضح رہے کہ ”ہندی میڈیم“ میں بہترین اداکاری کرنے پر صبا قمر کو فلم فیئر ایوارڈ میں بیسٹ ایکٹریس کیلئے نامزد کیا گیا تھا۔