یا اللہ خیر ،میری امی کی حالت اس وقت ۔۔مریم نواز نے قوم سے دعاﺅں کی اپیل کر دی

لندن (ویب ڈیسک)سابق وزیراعظم نوازشریف اور مریم نواز اس وقت بیگم کلثوم نواز کی عیادت کیلئے لندن میں موجود ہیں جہاں سے مریم نواز نے اپنی والدہ کی تصاویر جاری کرتے ہوئے قوم سے دعا?ں کیلئے اپیل کی ہے۔تفصیلات کے مطابق مریم نواز کا اپنے پیغام میں کہناتھا کہ میری والدہ کو ریڈیو تھراپی کیلئے لے جایا رہاہے ، وہ مسلسل الٹیوں کے باعث بہت کمزور ہو چکی ہیں ، وہ سہارے کے بغیر ہل بھی نہیں سکتی ہیں ، آپ کی دعا?ں کی ضرورت ہے۔تصویر میں دیکھا جا سکتاہے کہ کلثوم نواز کو ریڈیو تھراپی کیلئے وہیل چیئر پر بٹھا کر لے جایا جارہاہے جس سے یہ ظاہر ہوتاہے کہ وہ انہیں اس وقت چلنے پھرنے میں بھی کافی مشکلات ہیں۔واضح رہے کہ دو روز قبل سابق وزیراعظم نوازشریف اپنی صاحبزادی کے ہمراہ اچانک لندن کیلئے روانہ ہو ئے تھے جس کے بارے میں یہ بتایا گیا تھا کہ بیگم کلثوم نواز شدید علیل ہیں جس کے باعث وہ ہنگامی بنیادوں پر لندن روانہ ہوئے ہیں۔