کرینہ کپور کی مراٹھی فلم کے ہندی ریمیک میں کام کی تردید

ممبئی( شوبزڈیسک)بالی وڈ اداکارہ کرینہ کپور خان نے مراٹھی فلم ”آپلا مانوس“ کے ہندی ریمیک کی کاسٹ میں شامل ہونے بارے خبروں کی تردید کر دی ہے۔ بھارتی میڈیا رپورٹس کے مطابق رواں سال فروری میں ریلیز ہونےوالی مراٹھی فلم ”آپلا مانوس“ کی شاندار کامیابی کے بعد آشوتوش گواریکر نے فلم کا ہندی ریمیک بنانے کا فیصلہ کیا اور اس کےلئے کرینہ کپور سے رابطہ کیا گیا اور پہلے خبریں سامنے آرہی تھیں کہ کرینہ کپور کو فلم کا سکرپٹ پسند آگیا ہے ۔بدھ کو اپنے ایک بیان میں نامور اداکارہ کرینہ کپور نے کہا کہ وہ اس فلم کا حصہ نہیں ہیں۔کرینہ ان دنوں فلم ”ویر دی ویڈنگ“پر کام کر رہی ہیں۔ فلم یکم جون کو نمائش کےلئے پیش کی جائےگی۔